أسهل طريقة باش تحكم على راسك بالفشل هي ماتحددّش أهدافك مزيان!
كلنا عارفين بلّي أغلب الأهداف لّي كَتحدّد فالبدية دالعام ماكتوصلش ليهوم. ماعليك غير تسول الناس لّي كانو باغيين يسافرو ولّا يمشيو لا صال ف 2020.
ولكن ايلا كنتي بصّح مستعد تحقق و تبدل شي حوايج فحياتك، هادي بعض الطرق لّي تقدر تعاونك في تحديد الأهداف ديالك فنيفو آخر:
- حدد الأهداف المناسبة 📝 : ايلا خديتي ورقة و ستيلو و بغيتي تكتب الأهداف ديالك، خاص يبانو ليك مبدّلين على الأهداف ديال الناس الآخرين. حيت هادو أهدافك نتا، و الطرق و السيستم اللي غادي تخدّم باش توصل ليهوم مبدّلين كايا على الناس الآخرين. هدف مناسب هو هدف لّي باغي بصح توصل ليه و تشوف راسك تمّا ماشي غير حبر على ورق.
- بدّل العادات 🎯: الأهداف ديالك كيجيو معاهوم عادات خصّك تبدلها. أحسن حاجة باش تبدّل شي عادة مرسخة عندك أو تزيد عادة جديدة غادي تفيدك فحياتك، هي تمشي بشويّة بشويّة. واش عندك هدف باش تزيد الدخل ديالك السنوي ب عشرة في المية هاد العام، ايوا شنو العادات لّي ممكن دير كل نهار و دخلهوم فحياتك باش توصل لهادشي؟
- تبّع الهدف ديالك ⌚️: الورقة لّي كتبتي فيها الهدف ديالك، ماتلوحهاش من بعد! الأهداف خصك تبقا عارفها فين و صلات، و ديما تتبع فين وصلتي، واش قربتي؟ مزال لعيد؟ شنو خصّك تبدّل…
- الإرهاق فاتخاد القرارات 🗣: اتخاد القرارات هو عبارة عن طاقة كتعطيها فنهارك، شحال ما كثرو القرارات لي كتاخد فنهارك كيعيِّيوك. العادات كيخليوك تنقص من الطاقة لّي كضيّع فاتخاد القرارات، حيت كاتولّي عارف شنو غادي دّير.
Aucun commentaire:
Enregistrer un commentaire